RA BANDA

A r’era na matéj ëd primavèira,

na primavèira ëd tancc, tancc äni fa…,

ir masnä ch’i giogävo an mes dra strä

a l’improvisa j’havo piantä lëj…

che origia feina! J’havo za senti

ra vos dir tròmbi e o ritmo dij tambor…

r’era ra banda, ra banda di soldä! (ch’ra passa)

Tita ra gèint ra coriva an fòund dra strä,

puòi, ant in momèint o s’era anviscä in mònd:

che misica! R’enträva dapertit,

ant ir ca vegi, ant ir cort,

sota i portëu… ir masnä an prima fira,

ra gèint migiaja an si marciapè,

ir dòni da ra fnestra ch’i uàrdävo…

e lor, coj bej fanciòut, ticc an divisa,

ch’o-i stromèint ch’i lisivo sota o so,

i sonävo con ticc ij sentimèint…

e, o s’aoghiva anche lor j’ero contèint,

contèint ëd rigalemi sa bela misica,

contèint ëd vigsi an mes a tita sa gèint…

na vos d’an pogiuò ra crija: Bravi!

e ticc ansema i cmenso a bati ir man,

o so o smija pì caod, o ciel pì sclèint,

e ant j’uògg ëd ticc oi brila l’alegrija…

con ra magia dra misica ant ir strä

che bela sa matéj ëd primavèira…

Uä so smija vèira, uärda se ch’oi va

për sbardlè ‘n gir in po’ ëd felicitä…


di Gianni Fozzi (lissandrej)